Ang akon Tatay ma-itom

Kag indi makita kun dulum

Kay ginasulay niya ang init

   sa pagpananum

Balhas nga daw bangkiling

  iya gina paligo

Kibol ang naga dekorar

   sa iya mga tudlo

Ang iya talamnan ila ginakakunyagan

  dahon nga masirì, sa prutas ma-alwan

Kamatis kag ubas

   talong, sigarilyas

Sa iya pag-atipan

   nagapamunga sang buganà

Matahom ang mga bulak

   masilaw, ma-anyag

Saksi sang iya anay pag-ulikid

   kag pag-tatap

Bulak nga sa adlaw nagasunod, naga-tangla

Ayhan nahidlaw man sa iya pagpalangga