Agosto
Location
Tay, Nay
Indi kamo magkabalaka
maayo ang estado ko
diri sa banwa.
Masulhay ang kolehiyo
Indi magdugay matuman
Na ang aton mga damgo.
Kung sambot na guid bala katama
ang galastuhon ninyo sa skwela
sanday Nene lang unaha;
Makamedyos pa man ako
Maalwan ang mga tawo
Nga gina-updan ko sa “Q”
Ayhan dira subong
kun gapanglakaton
Malaö ang dalan
bangud mainulanon.
Ugaling sa tuod
kun ako pamangkuton
Pangabuhi sa bukid ang akon pili-on
Ang lutak nagakapol
Mabahò, mahigkò
Nagatabon sa maputli
Naga tapík sa matinlò
Apang kinahanglan
kun kis-a kapyutan
Sa pagpati nga madulà
Kag ma-limpiohan.
Pero sa mga bagay nga akon natun-an
Isa ini sang akon na-intindihan
Ang lutak sa bukid
sa tubig matinlu-an
Ang lutak diri sa banwa
Mabudlay hugasan